..×× قصة و ديوان الشاعره الرائعه عابرة سبيل××..

بسم الله الرحمن الرحيم

السلام عليكم ورحمة الله وبركاته

اقدم لكم اخواني الكرام واخواتي الكريمات ديوان للشاعره الكبيره الرائعه والجزله عابرة سبيل رحمها الله رحمةٍ واسعه

تعجبني شاعرية تلك الشاعره اعشق قصائدها كثيراً لجزالتها وجمال قلمها وكذالك لما بها من عفه وعفاف وروعه فما اجمل الشاعره حين ماتتمسك بعفتها بعيداً عن الغزل الماجن بالرجال.

طبعا مثلها مثل اي شاعره ناجحه حاربها الاعلام واصحاب الانفس الضعيفه فقالوا عنها هي رجال وليست بفتاه (والسبب بأنها لم تظهر بالامسيات الشعريه وتتمايل وتتمايع وتتغنّج امام المايكرفون والجمهور كـ ما يفعل شاعرات عصرنا الحاضر او بالاصح المستشعرات .!) وكذالك ظلموها بقولهم بأنها لاتكتب ولكن من كان يكتب لها هو الشاعر ضيدان بن قضعان .. وعموم هذه لاتتعداء سوا اشاعات من اناس حاقدين لايصدق اشاعاتهم الا صغار العقول من المجتمع الذين يكذبون الكذبه ثم يصدقونها

توفيت بعام: 2003

سبب وفاتها : اثر مرض اصابها ولم تجد له علاجاً وهذه واضح ومستنبط بقصيدتها التي كتبتها بموضوعي بأخر شي وهي تخاطب زوجها ونصفها الاخر وتوصيه بقصيده تهتز لها أنفس اصحاب الاحساس .. ويتحسر لها الخاطر وتدمع لها العين فما اصعب ذالك الموقف

أسمها:- وسمية هويدي العازمي

نبداء:

عنوان القصيده:- البطاقة الشخصيـه

أنا عجوز مطلـــقة وام ورعـــــــان=وأيضاً مدام وبنت وآنس وعانـــس
...................................
أنا بدوية وعايشه عند حضـــــران=وبنت البحر أبـــوي زارع وغارس
...................................
أمية ماتعرف حروف وألــــــــــوان=وتلميذة دشت جميــــع المدارس
...................................
ضفره وخبله ، عاقله،في نقصان=شرود وأنطح لي ثمانيـــن فارس
...................................
خلونِي أعيش العبره دون عنـــوان=طــــــيف يمر بلا رقابـــــه وحارس

======================================

عنوان القصيده:- ياعنتــــــر

لـي صاحب منه تبـي تطلع الروح=خبل ومن هي مولعه فيه خبــله
...................................
عاميــن المح له مع الجد ومزوح=وأقول ياعنتــر تنـاديك00عبلة
...................................
طال المدى ثم قلت أنا أغليك يالوح=مجروحة جرح جرح مخاطره عجله
...................................
دنق وقال أنا من العام مجروح=وأشـر لجرح مبطــــي وسط رجله

======================================

عنوان القصيده:- العيد باكر

العيد باكر ...... أسعد الله ممساك=والله مدري ويـن خـدٍ جلستـه
...................................
وين أنت ياللي عيدنا في محيـاك=كف القدر من ضيقة الخلق بسته
...................................
من يوم ما لوَحت لي كف يمنـاك=لليوم دمعـي بالخفـا ماحبستـه
...................................
ومن يوم ماذوقتني حـر فرقـاك=والياس زرعه في حياتي غرسته
...................................
شريت ثوبِ علـى شـان لقيـاك=والثوب راحت موضته مالبستـه
...................................
وشريت عطـرِ مازهانـي بليـاك=أربع سنيـن بعلبتـه مالمستـه
...................................
ودفتر قصيدِ كـل يـوم يترجـاك=مافيه يـومِ ماسهـرت ودرستـه

======================================

عنوان القصيده:- :: آخـذ الدفتـــر ::

كل ماقالو لفا الديره 000 غريب= قمت أومي في يديني وابتهل
...................................
هيه يالمقبل هلابك يالحبيـــب=مرحبا وأهليـــــن ياحي الرجل
...................................
وإن تــــبين لا صحيب ولا قريب=أبكي ضيقة أبكي حره وأنفشل
...................................
وأعتذر في صوت قطعه النحيب=العــذر والله رحل عنـــــي طفل
...................................
وأكتـــــب التاريـــخ وأوقع صليب=وآخذ الدفتر معايه 000 وانـــعزل

======================================

يتبع>>

عنوان القصيده:- :: نــــــــون ::

هو يعرف أن القصايد خيالات وفنـون=واقعي مافيه غيـره شريـك بدنيتـي
...................................
مالعبوا اهل المغازل عليه ويخسـون=ماشيه في حشمة اللي مشى في حشمتي
...................................
من تربي مثلي فبيت عزٍ مايخـون=غاليه بالحيل بالحيل عنـدي سمعتـي
...................................
ماسهرنـا بالليالـي ندقـدق تليفـون=امحشوم اللي نواه الجليـل بقسمتـي
...................................
غالي لو هو يبي قصة العاتـق يمـون=حجته تبقـى وتسقـط لعينـه حجتـي
...................................
هو نون وحطه المعتلي في وسط نون=في يدينه دمعتي وفي يدينـه بسمتي

======================================

عنوان القصيده:- :: ضايقــــــــه::

ضايقه بالحيل محتاجه اشتكي=لولا طبع فيّ .. يمديني شكيت
...................................
بس أدور عذر منشان البـــكي=لو يدوسون بطرف ثوبي بكيت
...................................
كل ماجيــــت اتريـــــح وارتكي=يزدحم في خاطري الفين بيت
...................................
ويش بيدي افعله غير الحكي؟=قاصره خطوات رجلي لو مشيت
...................................
أسرعي يانفس موتي واهلكي=صرتي همي يوم بالدنيا شكيت
======================================

عنوان القصيده:- :: يايمــــه ::

يمه .... يايمه .... فديتك لاتخلينـــي=بعثرني الهم وأبغى يديك تجمعني
...................................
يمه افهميني تراك ان مافهمتيني=مافيه شخص بهالدنيا بيسعمنــي
...................................
ماعدت انا طفلتك .. كبرت شوفيني=خليك يمي ترى الا طماع تتبـــعني
...................................
لا تدلليني ... . أبي منك تدليــــني=وابي ايديــــك تداعبني وتصفعني
...................................
ولا انهد حيلي أبي عطفك يقويني=ياما كلامك على الشدات شجعني
...................................
وان جيتك ابكي .. ابي منك تهديني=مابيك تبكين .. أبغى العقل ينفعني
...................................
يا مملكة عطف يا عطر الرياحينـــي=براثن الهم والهوجاس تـــــلسعنـي
...................................
بسمتك عندي الا من ضقت تكفيني=وارضاك عني عن الاحزان يرفعني
...................................
اسمى العلاقات تربــط بينك وبيني=ياللي احضانك ان ضاق الكون تاسعني
...................................
لك احترامي وحبي والوفا .. فيني=وفيك اروع الحب مايخطي ويخدعني
======================================

عنوان القصيده:- :: لحظة وداع ::

فارقـت خلـي و كـلٍ ودع الثانـي=لا عـادك الله يـا فرقـا المحبينـي
...................................
في ليلـة السبـت خليتـه وخلانـي=يا ليلة السبت جعلـك مـا تعودينـي
...................................
الصاحب اللي عقب مـاراح بكانـي=و هو بعد قبل مـا يمشـي مبكينـي
...................................
سابع سنة حبهم عايـش بوجدانـي=طموح و احلام ماتن ، من يعزيني؟
...................................
و الله مدري انا ابكي بعـد خلانـي=و لا على عمري اللي راح وسنيني ؟
...................................
عنده رقم هاتفي و اسمي وعنوانـي=ان غير الوقت رايه 00 يتصل فيني
======================================

عنوان القصيده:- :: لاتسافر ::

لا تسافر وتتركني أجاهد غلاك=كل شي يهون إلا جهاد الغرام
...................................
أما تبقى معايا أو اسافر معاك=لاتخليني لطوال الليالي طعام
...................................
خوفي البعد لامنه خذاك وطواك=مثل قصر تولاه الزمن والهدام
...................................
لاتسافر وانا اللي في رجاالله ورجاك=لا تسافر و تلقاني بقايــــا حطام
======================================

>>يتبع..

عنوان القصيده:- :: آخر موعد ::

له موعد لاروح الليل وياي=أول وآخـــر موعــد مع فتاتــــه
...................................
اليوم ما تنفع دموعي ورجواي=اليوم تفصل عن حياتي حياتـــه
...................................
اليوم يعطيني بقايا بقاياي=واعطيه انا ماشلت من ذكرياته
...................................
اليوم بابدل مشاعر حناياي=يصبح من اخواني وانا من خواته
...................................
اليوم يتركني لحالي بدنياي=مجبور يــــقفي لو يزيد التــــفاته
...................................
اليوم يخلف عن مماشيه ممشاي=والله ما أضمن من عذابه نجاتــه
...................................
لو اتعلق فيه ما ينفع ابكاي=خلاص فات الوقت واعلن فواتـه
...................................
اليوم بعطيه العزا عقب فرقاي=عندي خبر وش قيمتي في حياته
...................................
وانا العزا مابيه من كبر بلواي=ماينفع اللي عاش واعلن وفاتــه
...................................
يارحمة الله ساعديهم بسلواي=يعوضه الله بانكسار امنياتــــــه
...................................
اليوم ياهمي وياطول مسراي=يافرحة العذال وأهل الشماتــــه
======================================

عنوان القصيده:- :: المشكلة لاحبت العين طايش ::

المشكله ماهيب هذي ولا ذيك=المشكلة لاحبت العين طايش
xxxxxx
تزعل ويضحك وان تبسمت يبكيك=الموت جاك وهو بالأفراح عايش
xxxxxx
تناقشه يزعل ، تداريه يشقيك=ترقع شروخ ويطلعن لك درايش
xxxxxx
ماينتراضـى وبالزعل مايراضيـك=والصبر يثر بالقلوب الهشايش
======================================

عنوان القصيده:- :: لعيونـه ::

جاني يقول : اسمعي لابد نتباعد
"""" ياخوك ماعاد به حل يريدونه

حسيت باحساس ماحسه معي واحد
"""" حسيت باحساس مدري كيف مضمونه

غربة سليمان وتلقائية مساعد
"""" وصرخة سلامه .. ونايف صقر بجنونه

ياهمي اللي معايه قايم وقاعد
"""" من وين مادرت وجهي قيل مديونه

لولاك ياحشمتي للوجه والساعد
"""" يمديني من قو غيضي صرت ملعونه

أقدر أغني وأدق طبول وأواعد
"""" لكني أرغب أقضي العمر مصيونه

أبسطها آخذ جوازي وأجحد الجاحد
"""" وآخذ شليلي بفمي وأقول : لعيونه

======================================

عنوان القصيده:- :: أنا ابيـك ::

أنا أبيك .. وحش يحتوي داخله عصفور
وانا ابيك .. طفل يحتوي داخله رجـال

أبيك .. الأب بالعطف والأخ بالمعسور
أبيك أمي بالتدليل ومداعب الجهـّال

انا أبيك .. تاج الستر ياعاري المستور
أعاف العقل وانجن مادامهم عقــّال

أبيك .. المطاع الطايع المنذل المغرور
انا أبيك .. جوعي وشبعتي والفقر والمال

أنا أبيك .. تشكيلة عواطف كما البلور
أبي تحتوي كل التناقض مع الاشكال

أباصيــر انا ويــاك.. داخل بعضنا نـدور
ياحتى نضيع وين كنا مع المـــدخال

خلاص انتهى صبري وتلاشت خيوط النور
أبعلن جنوني وش نلت من عالم العقال؟؟

======================================

عنوان القصيده: حــــان الـــــوداع

حـان الفــراق .. وتم توديع غاليـــن
قسـوة زمن وظروف ماهي رحومه

وحـاولت ابدّل موقف العسـر باللين
وأبـــيــــن قدامه جسور ظلومــــه

و أعاتبه وأنقد على دمعة العيــــن
وانــا - حشا لله - مانـــي ألــومه

و أقول هذا حال كـــل المحبيــــن
وهذا الفراق اللــــي تجينا علومه

ومسكت نفسي كن ماصاير شين
أخشى على خلي يشقق هدومه

ثم قلت وش تنطر حبيبي لهالحين؟
أثر ايديني ماسكات كمـــومه ؟؟؟؟

======================================

عنوان القصيده: يا كثر شعري

يا كثر شعرٍ كتبته امس و البـارح
و يا كثر شعرٍ عقب فرقاه سجلتـه

دفاتري إمتلت من سبـة الجـارح
هذا00 وغير الذي للحين ماقلته

خلى دموعي تهل و خاطري سارح
يا كثرٍ همٍ عليـه اليـوم شايلتــــــه

اللي خلاني انصدم واصيح واصارح
فرقـاه حتـى خيـالٍ مـا تخيلتـه

وا جرحي اللي من الافكار يستارح
وا قلبي اللي من الاوهـام حملتـه

======================================

عنوان القصيده: خلنا نتفاهم

لاترفع الصوت ماني فيك مجبوره
قررت دربي وصوتك ما يوقفني
.....................
أرضى أنا بقاسيه أرضى بمغروره
ولا أرضى بعشرة حبيب ما تشرفني
.....................
ياما وياما وياما قلت بحروره
حاول تغيير ترى وضعك يكلفني
.....................
خلنا نتفاهم تعال نوضح الصوره
إما انت تمشي معي او لا توفقني
.....................
مسرور فيني وانا مانيب مسروره
حبي يشرفك وحبك ما يشرفني

======================================

يــاصاحبـــي ...

ياصاحبــي ... بس تكفـى ... لاتجنــنــي
xxxx ما عفت من ضرنـي .. وشلون خلانـــي ؟؟

حتــى الذي ضرنــي ... لا ضاق يحزنــي
xxxx ماعندي أعداء ، كـل النـــاس صدقانــــي

قلبــي معاكم نظيف وصافــي ظنـــــي
xxxx لا مايتغيــر غـلاك إن صرت ... غلطانــي

والله لا سامح الغلطة وأنــــا ... أغنـــي
xxxx من لاعذر صاحبـه يعيش ... وحدانـــــي

وإن كان قلبــي حقود ... الله يـــلعنــي
xxxx وإن كان مالـي شرف ... عساي للفانــي

======================================

سنيـــــــن

سنــــين مامرت علومه عليّـــــه
لا علم لا طاري ولا من مكاتيــب

سنين في صبــري وحالي رديه
بين المحاتى وانتظاري وتعذيــب

لا ليل .... لا فرحه.... لادنيا هنيه
يعلم بــــحالي واحد يعلم الغيب

انــــا ان تحريـــت اتـــصاله عليّه
دقات قلبي ضربها ينفض الجيب

ولو دندنــــت أساوري في يديه
اضم انا الهاتف واهل التراحيب

ابا انطره وابقـــى بعده وفيـــه
وارفض على شانه جميع الخواطيب

======================================

يتبع>>

عنوان القصيده: لله بشـكي

لله ابــشــكــي (حــيــرتــي ) لله رب الـعـالـمــيــن
وامــد لــه كـفـي (دعـــا) يـــالله عـفــوك ياجليـــل
.....................
يامنتـهـى (الشـكـوى) إلـــه العـابـديـن الصابريــن
يـالله (عونك0فزعتـك) همـي عـلـى قلـبـي ثقيـــل
.....................
جتـنـي (رسـالـه) نصّـهـا ياعـابـره (حــزن وأنيــن)
مع(تجربه)مضمـونـهـا فـيــه الـنـتـايـج والحصيـــل
.....................
في شكلها الظاهر (غطا) وفالباطن المعنى الدفين
وفـي (حبرهـا) تلميـح لايمكـن يصـيـر المستحـيـل
.....................
وانــا حقيـقـه مـاعـرفـت شـلــون بـبــدى ياحـنـيـن
مــدري ابــديّ كلمـتـي أو الــزم الصـمـت الفضـيـل
.....................
لا جـيـت ابتكـلـم لقـيـت الـوضـع قـاسـي مايـليـن
وان جيـت ابسكـت مالقـيـت عــلاج للقـلـب العليــل
.....................
لاكـنّ (عزايـه) مامعـي سلطـه ولاعـنـدي ضميـــن
ولااقــدر امـيّـل مـاعـدل ولاقـــدر اعـــدّل مايميــل
.....................
مـاعـنـدي الاّ (كـلـمـة ٍ) فـيـهـا الـعــوارف خابريـــن
الـقــاع لاصــــارت دهــــر (يـابـدو)يـازيـن الرحيــــل
.....................
وخـلافـهـا (سـلامـتـج) والله عـلــى الـدنـيـا يـعـيـن
والـصـبـر عنـوانـه(فـرج) والـغـيـث لابـــده يسيــــل
.....................
ويامنـتـهـى الـشـكـوى إلـــه الصـابـريـن العـابـديـن
لاحـارت افكـاري تـرى مالـي ســواك انــت الدليــل

======================================

رغبه

أنا أبيك .. وحش يحتوي داخله عصفور
وانا ابيك .. طفل يحتوي داخله رجـال

أبيك .. الأب بالعطف والأخ بالمعسور
أبيك أمي بالتدليل ومداعب الجهـّال

انا أبيك .. تاج الستر ياعاري المستور
أعاف العقل وانجن مادامهم عقــّال

أبيك .. المطاع الطايع المنذل المغرور
انا أبيك .. جوعي وشبعتي والفقر والمال

أنا أبيك .. تشكيلة عواطف كما البلور
أبي تحتوي كل التناقض مع الاشكال

أباصيــر انا ويــاك.. داخل بعضنا نـدور
ياحتى نضيع وين كنا مع المـــدخال

خلاص انتهى صبري وتلاشت خيوط النور
أبعلن جنوني وش نلت من عالم العقال؟؟

======================================

إنــــــا للـــــــــه

لـيـتـنـي الـبـارحـه يــا نـايـفــه مــا سـريــت
يــم درجٍ مـقـفــل مـــن قــديــم الـسـنــيــن

أشـهـد انـي فـتـحـتـه و انـتـبـحــت و بـكـيــت
شـفـت مـا هـيـض الـجــرح الـقـديــم الـدفـيــن

شـفـت وسـطـه رسـالـه و لـيـتـنـي مــا قـريــت
بـيـت شـعـرٍ قـديــم و ظــرف مــع صـورتـيــن

أشـهـد انــي لـغـيــره بـالـغــلا مــا عـطـيــت
و اشـهـد انـه بـغـانـي مـيــر مــا مــن عـويــن

صـحـت مـن قـلـب يـا ويـلـي عـلـى الـلـي هـويـت
و قـمـت امـس دمـوعـي مــن يـســار و يـمـيــن

لا طـرالـي حـبـيـبـي بـصــوت واطــي حـكـيــت
إنـــا لــلــه وإنـــا لـلــولــي راجـمـعــيــن

======================================

ش ا قول له ؟

باكر يجي 00 يا شيب عيني من الويل
من عقب مـا سافـر سنيـنٍ مديـه

ش اقول له 00 صاروا عيالي رجاجيل
ش اقول له ؟ 00 ماني بعهده وفيه؟

إن قلـت لـه إنـي تعذبـت بالحيـل
و إن قلت لـه أكبـر عيالـي سميـه

يبي يعذرني و يتـرك القـال والقيـل
و لا يجـي ويـا زمـانـي علـيـه

و ان جبت حظي و المقادير 00تعليل
و اني ضعيف 00 و رغبة الله قويـه

يبـي يصـدق كلمتـي دوم تحلـيـل
و لا يبـي ينسـف كلامـي عليـه ؟

ش اقول له ؟ 00 ما ينفعن الاقاويـل
ما دمت مانـي فـي وعـودي وفيـه

======================================

فرقاه صار

أغض عيني عـن خطـاه و خمالـه
و ارقع فضايحهم بزيـن التواصيـف
أثـاري فيهـم مـا تفيـد الجمـالـه
و النـاس لا سبـوه قلنـا ملاقيـف
فرقاه صار 00 و نسيتـه لا محالـه
ولا عاد في بوم <1> الليالي لهم طيف
دمـوع عـز ولا ابتسامـه نـذالـة
دنياك ما دامت لغيرك علـى الكيـف

======================================

النــــاس

الناس سدّادة سلف يوم الرخا باكر يضيع
ما بي اسوي حاجة أصبح عليها نــــادمه

أبحث بقلب التجربه وآخذ من أحداث الجميع
عبره تساعدني على صدمات وقت قادمه

بعطي واسامح للبشر وأحسن مع الكل الصنيع
حتى إذا جار الزمن القى صديق انــــادمه

ودي على طول الزمن أكون منديل الفجيـع
أحب أعمّر ما أرتضي أكون لحظة نــــادمه

وما دمت أنا متعافيه وما زلت في سن الربيع
مهما يكن حجم العمل أرفض وجود الخادمه

======================================

طيــــــــــــري

طيري غدا بين هالغربــان !!
000 يــامن يـدور على طيــري !!

في ساعة خاطري زعلان !!
000 بيــــدي سلمته لغيــــري !!

ماهـوب غض ولا حقـران !!
000 يـــا للأسف ضاع تفكيـري !!

ما جابه الخاطر النـــدمان !!
000 ولا انـــفعني معاذيــــري !!

لو إنـــــه مخلي العنـــوان !!
000 والله لاوريـــه تقديــــــري !!

======================================

هيـّا تغــزل

كل مااتصل فيك صبح وليل تشكي لي
من عوج الاوضاع والدنيا ومتاعبـــها

مليت يا صاحبي مابيك تحكي لي
هالأسطوانه أنا مليـت مطـــربها

حتى خيالك بتـال الليل ياتي لي
جروح وعيون معقوده حــواجبـها

عيشتني بعالم ماهو على جيلي
زهرة شبابي حرام انك تخربــها

ياما هجرتك ولا كملّت ترحيــلي
حبايب ما تــــعبر عن حبايبـــها

حبيبتك ما تحمــّل هالبـــهاذيلي
إضحك معاها ولاطفها ولاعبـــها

هيّا تغزل وغن وزيـــد تدليـــــلي
البنـــت يــــاحبها للي يداعبــــها

قلي وش رايك بفستاني ومنديلي؟
الوانهن تعجبك .. أو مانت راغبها؟

وقلي وش رايك بعقدي مع خلاخيلي؟
وشف قذلتي يوم قصينا ذوايبـها

وقلي وش رايك بأطباعي وأقاويلي
لاحظ عليها وغيّـرها وشطّبـــها

خل بيننا انقاش وعلوم وتعاليلي
وآمر على البنت وان حبيت طالبها

يامدمن الهم كافي دمع بالليلي
بكره تشبع من الدنيا ومصايبها

دنياك والله .. ماتسوى التزاعيلي
حتى ولاهيب كفو الي يعاتبها

======================================

قبول النداء

لــي صاحب آه ..... لاجانــي ولا جيتــه
000 من الغيظ شطب وجودي مع عناوينــي

قطيت أنا جملة أوراقه و .......... خليته
000 وأقول لوك تحب تراب ......... رجلينــي

يومين ...... هونت ما أصبـر عنه باغيتـه
000 والصوم عن حلفــي اللي فات يكفينـي

ناديت له فـي ظلام الياس ........ ناديته
000 و" تــــم قبول النـداء " ودمعت عينــي

غسل عذاب محطمنــي و ....... كاميته
000 ونثـر بذور البشاير في ....... بساتيـنـي

======================================

كيفي مزاجي كل شي بكيفي

كيفي مزاجي كل شي بكيفي...
حره وحره والف مليوووون حره..
باخذ ربيعك منك واعطيك صيفي..
وباخذ حلا الايام واعطيك مررره..
ذوق العنا خله يزاورك طيفي..
ذوقي اللي ذقناه ولو كان مره..
عقب الهجر يا تعتذر يا وليفي..
بأرد لك نص العنا والمضره..

======================================

آخيراً

عنوان القصيده: وصيـــة على فراش المــــوت

ترى الذبايح وأهلهـا مـا تسلينـي=أنا أدري إن المرض لا يمكن علاجه
...................................
أدري تبي راحتي لايا بعـد عينـي=حرام ما قصرت يديـك فـي حاجـه
...................................
أخـذ وصاتـي وأمانـه لا تبكينـي=لو كان لك خاطرٍ مـا ودي إزعاجـه
...................................
أبيك في يديك تشهدني وتسقينـي=أمانتـك لا يجـي جسمـي بثـلاجـه
...................................
لف الكفن في يديك وضف رجليني=ما غيرك أحدٍ كشف حسناه واحراجه
...................................
أبيك بالخيـر تذكرنـي وتطرينـي=يجيرني خالقـي مـن نـار وهاجـه
...................................
سامح على اللي جرى ما بينك وبيني=أيام نمشـي عـدل وأيـام منعاجـه
...................................
همي عيالي وأنا اللي فيْ ..كافينـي=علمهـم الديـن تفسيـره ومنهاجـه

ـآلله يرحمهـــآآ

ملطوووش..

آلله يرحمها برحمته

مشكووره

ـآلعفوو..|

نورتــــــــــــي..~

الله يرحم الجميع
تسلمين اختي

يسلملي مروركَـ..